5.     小心控制进补份量同次数：

愈好嘅，要留意翻自己嘅情况同需要。虽然上述汤水有丰富嘅蛋白质，有助伤口埋口，但如果饮得太多，就会令伤口埋得太快，造成绷紧、痕痒，甚至会埋口埋得唔靓、出现肉芽。所以如果开刀坐月嗰阵复原进度唔错，精神状况正常，就唔好饮用太多补身汤水，以免补过龙，影响伤口愈合。


开刀坐月餐单


1.     平补期

产后头一两个礼拜身体较为虚弱、抵抗力比较差，容易摄亲，而肠胃亦都需要时间恢复，所以应该食得清淡啲，先调理好身子、强身健体、去清体内恶露。

开刀坐月餐单──汤水推荐

花胶椰肉炖鸡汤

花胶味甘平，有补肾益精，滋养筋脉嘅功用，可以治疗产后风痉，例如颈背僵硬、四肢抽搐。椰子性甘平，有益气补血嘅作用，帮助身体恢复因为手术而受损嘅元气。鸡肉有补虚填精、健脾胃、活血脉嘅功效，加速伤口复元。

鲈鱼、石崇鱼汤

鲈鱼性平味甘，有改善水肿同安胎嘅作用，而石崇鱼含有丰富嘅蛋白质同Omega-3脂肪酸，有生津润肺、健脾补肾等功效，唔单止可以加快伤口埋口，仲可以有效咁改善脾胃运作，尽早回复精力。


开刀坐月餐单──药疗推荐


廿八方（第一、二方）


开刀妈妈喺产后第8至12日可以开始饮用廿八方第一方。第一方含有当归头、白背木耳、川芎、桃仁、炙甘草、炮姜等药材，可以清除体内嘅恶露、瘀血，同时当归头、炮姜等药材有养血温经嘅作用，可以调理身子。第二方含有当归头、川芎、紫苏叶等药材，川芎有驱寒作用，可以避免新手妈妈喺产后抵抗力下降嘅时候容易摄亲、易有风寒感冒，紫苏叶有行气作用，加速身体机能恢复。


 


2.     温补期

过咗一两个礼拜之后就可以转用温补食疗，主要针对身体机能恢复，同时要进补嚟促进乳汁分泌，同埋防治一啲因为怀胎而造成嘅后遗症，譬如腰酸背痛、抵抗力下降、消化能力减弱等等。

开刀坐月餐单──汤水推荐

南枣桂圆莲藕汤

莲藕有益胃健脾、养血补益嘅功效，可以治疗烦躁口渴、食欲不振。桂圆味甘性温，有开胃益脾、养血安神嘅用途。南枣可以补气、滋养阴血，比起作用差唔多嘅红枣亦冇咁燥热，好适合新手妈妈喺温补期食。

花生陈皮排骨汤

花生同陈皮都有补乳、催奶作用，后者亦利气活瘀，可以通乳。而猪肉含有丰富嘅钙质同蛋白质，可以补血、补乳，亦可以改善妈妈嘅骨骼健康，防止产后嘅腰酸背痛，针对新手妈妈嘅需要。


开刀坐月餐单──药疗推荐

廿八方（第三方）

第三方含有当归头、熟地黄、光南杏、肉苁蓉、川芎、雪蛤膏等药材，雪蛤膏有畅通肠道、滋阴补肾嘅功效，可以令开刀妈妈减少因为消化机能减弱而出现便秘嘅情况。同时，熟地黄有益精填髓嘅用途，治疗产后腰酸背痛就最啱，而肉苁蓉同南杏可以增强免疫功能，保护妈妈健康，等身体机能可以尽快恢复。


3.     大补期

喺产后大概三个礼拜身体机能已经大致复原，恶露亦都大致排清，呢个时候先可以开始进补，食一啲比较燥热嘅补身食品，恢复体力、养气补血等等。

开刀坐月餐单──汤水推荐

党参炖猪展汤

党参可以补中益气、养血生津，专治气血双亏、津伤口渴。而猪展，即系猪脚嘅肌肉，性凉味甘，有补血活血嘅功用。两者加埋可以补气健脾、行血活气，补翻因为开刀而受损嘅身体。


菠菜猪膶汤

菠菜性凉味甘，可以利五脏、活血脉、调中气，而猪膶，即系猪肝，性温味甘苦，有补肝、养血嘅功效，亦含有丰富铁质，促进血红素嘅制造，帮新手妈妈大补气血，强化身体各个器官，恢复能量，增添活力。


开刀坐月餐单──药疗推荐


廿八方（第四方）

第四方用咗当归头、玉竹、川断、白芍、川芎、杜仲、杞子等药材，川芎、玉竹、白芍有滋补强壮、养血补气嘅功效，可以大补元气、活血通络，而川断、杜仲有调血脉、补肝肾嘅作用，强化新手妈妈身体各个机能嘅运作，尽快回复产前状态。

 

4.     滋补期

喺大补期补完身之后，开刀妈妈嘅身体已经大致回复正常，跟住落嚟就应该以调理身体、养颜防老为主要目标。

开刀坐月餐单──汤水推荐

鱼翅花胶炖鸡汤

鱼翅同花胶都系传统嘅上等补品，鱼翅可以补五脏，有益气、补虚、开胃嘅功效。花胶有丰富嘅蛋白质同磷质，可以养颜活血，亦都含有大量骨胶原，具备补血、止血、活血同埋保持皮肤弹性等等嘅功效。配上性温味甘嘅鸡肉，可以温中补脾、益气养血。

木瓜花生鱼尾汤

花生味甘性平，具有健脾、和胃、养血止血、下乳等功效，有助身体回复。木瓜味酸性温，不寒不燥，有舒筋活络、除湿和胃的功效，可以顺气、活血，好好调理身体。

开刀坐月餐单──药疗推荐


廿八方（第五方）

第五方除咗用巴戟、北芪、川断、白芍、淮山、春砂仁等药材，有补中益气、强腰固肾嘅功用之外，仲加入鹿尾羓同高丽蔘两种名贵药材，鹿尾羓性温味甘咸，可以养血滋阴、益精补虚，亦会消除疲劳、治腰背痛，而高丽蔘性微温味甘，具补气救脱、活血复脉嘅效用，两者滋补能力极高，可以加强补气血嘅效果，适合新手妈妈喺补充元气之后增补气血同养颜补身，气血十足，自然面色红润，明艶照人。