唔知大家去北欧旅行嘅时候有冇试过当地嘅甜品，譬如丹麦嘅松饼球、芬兰嘅曼米，仲有瑞典嘅窝夫饼同公主蛋糕等等，呢啲甜品喺欧洲享负盛名，相信大家就算冇食过都听过吓。但唔知大家又有冇听过一种几乎失传嘅瑞典甜品──Kalvdans呢？Kalvdans喺2008年畀意大利慢食协会评选为四款瑞典区濒临绝种菜式之一，佢特别在于只系用咗两种材料焗制而成，分别就系牛初乳同埋水。或者你会好奇，竟然就咁用两种液态食材焗成？味道唔会好寡咩？又唔会有好重奶膻味㗎咩？食落口系咪好似奶冻咁？唔会，唔系，错晒！由于牛初乳比起普通牛奶含有更多蛋白质，所以喺焗嘅时候会凝结，形成类似布甸、蛋挞嘅质感，同时佢含有嘅乳糖成份又比牛奶少，所以食落唔会太甜、闻落唔会太膻。蛤？点解呢种牛初乳同我哋认识嘅牛奶差咁远嘅？唔系都系牛奶嚟㗎咩？究竟系咩嚟㗎？唔洗心急，等小编慢慢解释畀你听啦！
咩系牛初乳？ 同牛奶有啲咩分别？
雌性哺乳类动物喺产后2至3日分泌嘅乳汁叫做「初乳」（Colostrum），往后分泌嘅叫做「常乳」。而牛初乳（Bovine colostrum），就即系母牛喺分娩后72个钟内分泌嘅乳汁。
虽然佢哋都系牛奶，但形态同成份都好唔同。牛奶嘅颜色偏黄，质感较稀，牛初乳嘅颜色就偏白，较为浓稠，单凭肉眼都可以分辨到。而且一般嚟讲，无论系人类定系动物，初乳含有嘅营养成份都会比常乳丰富，等动物BB可以喺啱啱出世嘅时候有最全面嘅保护。亦因为系畀啱啱出世嘅动物BB食，所以牛初乳乳糖同脂肪含量都比普通牛奶少，但营养成份，譬如蛋白质、矿物质、溶菌酶同维他命，都比普通牛奶多好几倍。除咗蕴含嘅营养唔同，牛初乳亦含有丰富嘅免疫因子同生长因子，而普通牛奶冇，所以两者嘅功能唔同，后者主要系补充营养素，前者就主要系为身体提供免疫功效。由于牛初乳产量好少，一只乳牛平均每年只会生产大约三十公斤，非常珍贵，而且牛初乳蕴含嘅营养素对人体有好多好处，所以又有「软黄金」嘅称号。
牛初乳有啲咩特别功效？
正如头先所讲，牛初乳含有丰富嘅营养，可以有效针对唔同年龄层嘅唔同需要。
1. 增强免疫力
牛初乳对BB同小朋友嘅发育成长起到好大帮助，因为丰富嘅蛋白质同钙质可以促进发育，而免疫球蛋白同乳铁蛋白系天然抗体，有增强免疫力同抗菌作用，为婴幼儿嘅身体提供最全面嘅保护。
2. 抗衰老
牛初乳丰富嘅免疫球蛋白有抗衰老嘅功效，可以加快皮肤修复同细胞生长，保持皮肤弹性，而比起牛奶多出10倍含量嘅铁质亦会制造血红素，保持面色红润，回复青春，啱晒女士们，特别系啱啱生完BB嘅新手妈咪，因为丰富嘅铁质同钙质更加可以为妈咪补身，改善产后虚弱嘅身体添！
3. 促进伤口复原
牛初乳亦含有嘅蛋白质同维他命A都有加速细胞增长嘅功效，促进伤口复原，特别系做完手术嘅人想伤口完美愈合，进食牛初乳就最有效嘞！
4. 改善骨骼健康
银发族们随住年纪增长，身体容易出现肌肉、关节劳损嘅情况，钙质同铁质可以修补受损嘅骨骼同关节组织、强化骨质，亦都会加快软骨组织嘅形成，改善痛风、关节酸痛等等嘅问题，仲可以增加活力。
所以话，牛初乳的确系无论男女老幼都啱用嘅「软黄金」！
牛初乳有咩副作用？
牛初乳系冇副作用嘅，任何人都啱食，包括小朋友、银发族、孕妇或者授乳期妇女，特别系需要补充天然生长因子同免疫球蛋白嘅人士。但记得要注意摄取嘅份量，如果过量吸收咁就会有反效果，例如轻微腹泻、肠胃不适，所以饮用牛初乳要适可而止，唔系吸收得愈多就一定愈好。
同时，市面上有好多牛初乳产品标榜可以取代母乳比初生BB饮用，但其实牛初乳同母乳嘅营养成份差好远，如果斋比BB饮用牛初乳嘅话，可能会令BB摄取唔到足够营养，令身体缺乏免疫力，亦会影响发育。另外，牛初乳含有大量促性腺激素，会令BB无办法自然新陈代谢，造成早熟嘅情况，所以初生BB系唔适合净系饮用牛初乳嚟取代母乳，新手妈妈应该将牛初乳沟落母乳畀BB饮，咁样先可以真正发挥到牛初乳嘅功效。
牛初乳推荐
坊间有好多唔同款式嘅牛初乳产品，单系形态就已经分为粉剂同埋片状，究竟边款好啲？点样比较唔同牛初乳？又应该点样拣适合自己嘅牛初乳保健品呢？进食保健品嘅首要条件一定系适合自己，两种形态嘅牛初乳功效都差唔多，所以喺拣食边款牛初乳产品嘅时候应该要睇吓自己嘅需要。例如初生BB唔识咀嚼，所以应该拣粉剂畀BB饮，而大人可以拣经过人工调配嘅片状牛初乳，充分发挥牛初乳嘅功效。至于想要甄别唔同质量嘅牛初乳其实唔难，只系需要睇三样嘢，成份、产地同制造过程。
首先，我哋要睇吓唔同牛初乳产品嘅成份，牛初乳嘅成份标签系呃唔到人嘅，有好多企业都会夸大自己产品嘅成份，标榜自己含有好多人工加入嘅营养素，甚至系一啲独特嘅卖点，例如唔同口味之类，但实际上，有好多产品只系加入少量牛初乳同营养素、用普通牛奶滥竽充数，或者加入大量化学添加剂，甚至曾经有台湾品牌被揭发牛初乳产品入面根本无牛乳成份！我哋喺购买之前一定要检查喺包装上面列出嘅成份，先睇吓到底嗰件产品系咪真系含有牛初乳，然后可以睇吓有啲咩营养素，其中最易睇嘅就系佢嘅IgG含量。免疫球蛋白主要分为五种，包括IgG、IgA、IgM、IgD、IgE，当中以IgG嘅成份对人体最为重要，亦系构成牛初乳嘅主要成份之一。所以，透过一件产品嘅IgG免疫因子含量比例就可以睇到佢究竟有几足料。
除咗成份，牛初乳产品嘅产地同制作过程都好重要，有唔少地方嘅奶源地环境恶劣，牛初乳喺存放嘅时候好容易就会受到污染，而且生产期间亦好容易因为处理得唔好而令到活性成份流失。所以，购买牛初乳产品嘅时候都应该留意产地同埋有冇经可靠机关认可，以保证产质量素优良。
天然之本嘅牛初乳 + 钙含有丰富嘅天然生长因子、免疫球蛋白同埋钙质。每块牛初乳片仲有大概20%嘅IgG免疫因子，可见用料充足。而且佢系由著名嘅新西兰GMP药厂制造，加工过程受到当地政府同药厂严密监察同控制，确保制成品嘅成份冇问题，亦冇任何人做色素同防腐剂，每批产品运到香港之后仲会送去独立嘅国际质量检测中心，通过农药残留、重金属同微生物含量测试，而且产品仲获得澳洲药物管理局（TGA）认可，安全可靠。所以要拣牛初乳，就梗系要拣有质素保证嘅天然之本嘅牛初乳 + 钙啦！
