唔知大家有冇睇最近喺戏院上映嘅《幻险森林奇航》（Jungle Cruise）呢？主角狄维·庄逊同埋艾美莉·宾特喺亚马逊雨林争夺能医百病嘅仙草「月亮之泪」嘅冒险旅程真系刺激到完全冇闷场！虽然戏中嘅「月亮之泪」系虚构嘅，但佢同一种中国草药嘅形象非常相似，经常喺中国嘅传统文学作品入面被描绘成一种拥有神奇药效嘅仙草，可以医百病、增元气、延年寿，甚至可以起死回生。相信大家见到呢啲咁夸张嘅描述都已经估到，无错嘞，就系灵芝。大家或者会即刻谂起《白蛇传》嘅经典「盗仙草」情节，白娘子为咗救翻被吓死嘅丈夫许仙，不惜千里迢迢前往昆仑山，同鹤鹿两仙大战抢夺灵芝草，最后成功令丈夫复活。即使喺近代流行文学中，灵芝都「老是常出现」，例如倪匡先生所著嘅《六指琴魔》，都有环绕各路武林高手争夺七色灵芝而展开大战嘅情节。当然，喺现实中，灵芝就梗系唔可以起死回生，亦冇神打之力，但佢嘅药用功效的确不容小觑，喺《本草纲目》、《汉武内传》等权威中药典籍都有记载灵芝嘅丰富药效，《神农本草经》甚至将灵芝列为上品药材。咁究竟现实中嘅灵芝有啲咩神奇功效？灵芝又应该点食先啱㗎呢？等小编话你知啦！


甚么是灵芝？甚么是灵芝孢子？


灵芝，系一种多孔菌科植物，性平味甘，主要生长喺湿度高而昏暗嘅树林。喺中医学角度嚟讲，灵芝有好丰富嘅药用功效，单系《本草纲目》提到嘅功效就包括益心气、充血充脉、安神、增智慧、好颜色、利关节、活血、坚筋骨、祛痰、健胃，对人体各个器官都非常有益。


而大家成日都会听到嘅灵芝孢子，其实系灵芝嘅种子，喺灵芝生长嘅时候由灵芝底部弹射出嚟，但佢同灵芝嘅成份好唔同，功效亦比灵芝多而广泛。灵芝主要含有丰富嘅灵芝酸、灵芝三萜、灵芝多醣同灵芝醣肽，灵芝孢子除咗呢啲成份，仲有油酸、亚油酸、甾醇等油脂类物质。呢啲物质就畀两层坚韧嘅孢子外壳保护住。要提取呢啲有益物质，就要先打破壁壳，亦即系大家或者会听过嘅「破壁」。破壁后嘅灵芝孢子功效比灵芝更加全面，亦因为咁喺近年畀愈嚟愈多人推崇。


灵芝怎么吃？


灵芝有好多唔同食法，有人会攞灵芝煲水煲汤，有人会搵水煎嚟食，有人会浸茶或者浸酒食，呢啲灵芝煲水、灵芝茶功效差唔多，都可以发挥到灵芝嘅药性，所以拣自己钟意嘅食法就可以。


但系如果服用灵芝孢子，唔将孢子外壁打破系唔会发挥到功效嘅，而破壁系需要专业嘅设备同技术，如果破壁过程或者事后嘅加工同存放过程唔妥当，有益物质就好容易氧化，甚至会令脂肪酸增加，反而会对身体造成伤害。所以大家应该要小心拣选市面上一啲可靠、有质素保证嘅灵芝孢子油，确保产品真系含有灵芝成份，而且系成功破壁，唔系一啲只有几％破壁率但声称全破壁嘅，令身体情况可以得到改善。



灵芝孢子功效


1.     抑制顽疾细胞

灵芝孢子其中一个主要功效，系可以治疗顽疾，因为灵芝孢子含有大量高活恒灵芝醣肽（Ganodorma Glycoprotein）。灵芝醣肽有助抑制顽疾细胞分裂，令顽疾细胞冇办法黏附喺血管内壁，再借助血液流动嘅剪切力同免疫力将佢哋除灭。灵芝醣肽亦可以配合化疗药物，防止顽疾细胞转移到其他部位。


 2.     稳定肝酵素

灵芝孢子含有嘅灵芝酸（Ganoderic acid）同灵芝三萜（Triterpenoid）对肝损伤有保护作用，可提升肝细胞嘅抗氧化能力，有效清除自由基，亦增强肝脏代谢药物嘅解毒功能，减低毒素对肝脏嘅损害。


 3.     改善心血管健康

灵芝孢子嘅活性成份（Active ingredient）可以降低胆固醇、空腹血糖和体内三酸甘油酯，而且抗氧化，有利于心血管健康。


 4.     提升免疫力

灵芝孢子仲可以提升免疫力，皆因灵芝含有丰富嘅灵芝多醣（Polysaccharide），增强细胞嘅免疫调节能力同巨噬细胞嘅吞噬能力，令身体可以清除自由基，亦促进T淋巴细胞嘅活力同增殖能力，抵御细菌。


 5.     净化血液

灵芝孢子能够同体内嘅重金属元素，以及血液入面嘅药物毒素、脂质之类嘅污染物融合成一种有机锗化合物（Organogermanium compound），令污染物更容易排出体外，净化血液之余，亦促进新陈代谢。


 6.     修补关节劳损

正如《本草纲目》所述，灵芝具有「利关节、坚筋骨」嘅功效。灵芝孢子有抗发炎嘅作用，可以避免关节因过度操劳而造成磨损或者出现痛症，改善骨骼健康。


上述嘅只系灵芝孢子功效嘅一小部分，其实灵芝孢子仲有好多唔同作用，例如可以消除疲劳、防脱发、益肠胃，甚至减肥！所以古人将灵芝孢子当成仙草，并唔系空穴来风。


灵芝禁忌


1.     灵芝唔可以同某啲食物一齐食

由于灵芝药味好重，所以坊间有好多唔同款式嘅食谱，等大家可以配搭一齐食，味道唔会咁寡，但唔系咩食材都可以送灵芝食，例如辣椒、柠檬同萝卜，唔单止会令到灵芝丧失功效，甚至会有反效果！首先，灵芝对神经系统有抑制作用，但辣椒会刺激三叉神经，同时服用会降低灵芝嘅药效。另外，有人会将灵芝同柠檬加埋冲水饮，但其实柠檬呢啲酸性食物会分解灵芝含有嘅营养成份，所以同样唔适合一齐进食。至于萝卜，由于萝卜含有芥子油，会加速肠胃消化，而灵芝系需要人体慢慢吸收先会有效果，同时食用嘅话就冇办法将灵芝完全吸收。而且灵芝有养肺功效，但萝卜促进散气，两者相冲，一齐进食嘅话会大大减低灵芝嘅药效。所以进食灵芝嘅时候要小心选择食物配搭，尤其系上述嗰三款食物。


 2.     服用灵芝要定时定量

有好多人以为灵芝系一种普通食材，只会喺觉得有需要嘅时候先服用。但其实灵芝系一种需要长期服用先见效嘅药材，即使问题经已改善，都要继续服用令身体慢慢恢复。而且如果突然唔食，会令身体出现瞑眩反应。所以灵芝一定要定时定量服用。


 3.     灵芝不宜服用过量

灵芝虽然可以补身，但都唔能够过量服食，如果唔系就会有反效果，例如出现肠胃不适、口干咽痛、难以入眠等情况，所以最好每个礼拜食一至两次灵芝就够。


什么人不能吃灵芝？


1.     哺乳期妇女

喺中医学角度嚟讲，乳汁系由血所化生，哺乳期间乳汁不断损耗，会令身体处于血虚嘅状态，从而导致体质阴常不足。所以喺哺乳期嘅女士们就最好不好食灵芝。


 2.     身体有伤者

灵芝含有腺苷，会减缓血液凝固，令伤口难以复原。所以如果身上有伤口未愈合嘅话，最好就唔好食灵芝住，以免影响伤口愈合嘅进度，等伤口埋口之后再食。


 3.     小朋友

由于小朋友未完全发育，消化系统非常脆弱，冇办法一下子吸收太多营养。进食灵芝会增加佢哋消化器官嘅负担，甚至令肠胃不适，反而增加患病嘅风险。