2016年,因纽特族(爱斯基摩人嘅分支)原住民导演阿妮菲亚·阿娜·巴里(Alethea Arnaquq-Baril)拍摄咗一套纪录片,叫做《愤怒的因纽特人》(Angry Inuk),响应外界对爱斯基摩人嘅批评同误解,其中一个主要争议就系关于海豹狩猎。海豹作为少数可以喺极地生存嘅生物,爱斯基摩人嘅生活可以话离唔开佢哋,例如佢哋会用海豹嘅皮毛嚟整衫,用骨头充当工具起屋、生火,而海豹肉亦系佢哋嘅主要食粮。喺上个世纪七十年代,诺贝尔医学奖得主奥古斯特·克罗(Dr. August Krogh)就留意到爱斯基摩人比邻近嘅丹麦人冇咁多心血管疾病,经研究后发现,秘密就系海豹脂肪组织入面嘅海豹油。究竟海豹油有咩咁神奇?有啲咩功效?同平时成日听到嘅鱼油又有咩分别?边样比较好呢?等小编慢慢解释畀你听啦!

海豹海豹油同鱼油有咩分别?


1.       丰富嘅Omega-3有助心血管健康

海豹油之所以令到爱斯基摩人少啲出现心脏问题,全靠含有大量嘅Omega-3必须脂肪酸,对心血管同脑部有保健作用。虽然鱼油都含有丰富嘅Omega-3,包括DHA同EPA脂肪酸,具备调节三高同强化脑神经嘅功效,但海豹油除咗DHA同EPA之外,仲蕴含DPA脂肪酸。海豹油含有高浓度DPA,大概系深海鱼油DPA含量嘅10倍。由于海豹嘅主要食物系鱼,海豹可以利用新陈代谢同消化系统嚟过滤一啲喺鱼类体内嘅天然杂质,净化Omega-3脂肪酸,同时将DPA加入Omega-3,呢个过程系普通鱼类做唔到嘅。DPA可以促进细胞生长同构成,亦加强心血管嘅保护作用,令血管保持弹性,减低患上心血管疾病嘅风险。


 2.       更多好胆固醇、对抗血管积聚

除咗脂肪酸,两者嘅胆固醇成份亦都唔同。鱼油含有大量低密度脂蛋白(简称LDL),LDL系坏胆固醇,会积聚喺血管,令血管闭塞,严重甚至会造成血栓、中风等等嘅情况。而海豹油虽然都有LDL,但含量较低,反而含有更多高密度脂蛋白胆固醇(简称HDL)。有别于LDL,HDL系对身体有益嘅胆固醇,可以减少LDL嘅黏附性,移除积聚喺动脉嘅LDL,并顺住血液经肝脏排出体外。透过移除堵塞血管嘅不良物质,可以大大降低心血管疾病,例如心肌梗塞、中风之类嘅发生机会。由此可见,进食过量鱼油会构成健康风险,反而海豹油就冇呢个问题,甚至可以清理体内毒素,预防心血管疾病。


 3.       天然抗氧化、更易保存

而除咗上述嘅成份差异,另一个大分别系两者嘅质量。首先,海豹油嘅稳定性比鱼油高,原因系海豹油含有天然抗氧化物(Natural Antioxidant),冇咁容易氧化,脂肪链相对较为稳定,而鱼油因为欠缺抗氧化物,容易氧化,稳定性相对较低。其次,喺提萃过程方面,鱼油系唔能够天然萃取,需要喺鱼骨、鱼头或者内脏人工化学提炼,过程期间容易畀不良物质污染,亦需要加入化学添加剂嚟分解同稳定鱼油质量,一般鱼油嘅成份都极为复杂。相反,海豹油系直接由海豹嘅脂肪组织采用低温提萃技术提炼,唔使加工。而且海豹生活喺寒带海洋,水质亦较为干净,冇乜污染,不良物质同杂质较少,所以海豹油嘅质量较为纯净,而且方便保存。


鱼油同海豹油嘅功效虽然相似,但成份同质量大相径庭。小编认为进食滋补品都系想有成效,可以保持健康,咁当然系拣款功效好啲嘅。鱼油虽然都可以维持脑部同心血管健康,但系海豹油所提供嘅营养较多,而且易啲畀人体吸收,效果亦比鱼油更为显着,所以海豹油喺近年愈嚟愈受欢迎。


<现今香港人可以点用海豹油?

1.     辅助「生酮饮食」餐单
宜家有好多香港人奉行「生酮饮食」,透过高脂肪、高蛋白质、极低碳水化合物嘅餐单强迫身体燃烧脂肪,但长时间进食呢啲高脂、高蛋白嘅食物亦会令大量脂肪同埋坏胆固醇积聚喺血管,咁样都会令到身体出现心血管同血压问题,影响健康。海豹油就可以配合到「生酮饮食」,丰富嘅Omega-3可以提高好胆固醇嘅水平,将积聚喺血管嘅不良物质排走,等大家可以有效减肥之余,亦都可以减低血管变坏嘅风险,保持身体健康。

 2.     修补运动造成嘅关节磨损
前排香港花剑代表「少年剑神」张家朗同游水代表「小飞鱼」何诗蓓分别喺奥运会勇夺金牌同银牌,相信嚟紧会带起一股运动热潮。但其实做运动会对关节造成好大负担,容易磨损同拉扯,如果大家做运动嘅时候唔好好注意姿势或者做好warm up,就会令关节受伤。而海豹油含有丰富嘅DHA同EPA,可以增加关节嘅灵活性同机动性,减少关节出现僵硬同磨损嘅情况,咁就可以放心做运动啦。

海豹油推荐


而喺咁多款海豹油当中,最优质嘅就梗系「健知己」嘅Activ Seal Oil海豹油。有别于其他海豹油,Activ Seal Oil系依照加拿大法律合法同适量捕猎海豹,以加拿大纽芬兰(Newfoundland)一带嘅竖琴海豹为原料,嗰带嘅水域被严格监控,确保水质冇受到污染,而且Activ Seal Oil采用先进嘅低温提萃技术,冇添加任何化学物质提炼,通过咗国际测试中心同埋加拿大大学实验室嘅二恶英同多氯联苯测试,质量达到药品级别,纯净天然,安全可靠。所以如果想促进脑部发展、强化心血管功能,或者改善关节健康,就一定要拣最有质素保证嘅Activ Seal Oil!