唔知女士们有冇试过成日失眠、头晕晕、面色差、好容易攰同病、月经量变少或者嚟得唔准？呢啲好可能系「血气不足」嘅症状嚟！喺中医学角度嚟讲，「气、血、津液」系构成同维持人体运作嘅主要物质，其中气对人体有推动、调控嘅作用，而血可以濡养、化神。若果气血不足，会令脏腑同经络功能衰退，身体同精神状态亦会出现各种不良反应。唔好好补翻身子，身体同精神状态都会愈来愈差。


补气血汤水推荐

煲补气血汤水系最简单而有效嘅补气血食疗方法，以补身为重点，透过补充吸收唔同食物嘅营养嚟滋补身子，可以从根源解决问题，预防身体出现血气不足嘅情况。以下就等小编推介八款补气血汤水畀大家，等大家可以舒舒服服留喺屋企补补身啦：


 1.     三红汤

三红汤系一种非常之出名嘅传统补身汤水，相信大家可能都会听过吓。「三红」嘅意思系即系红糖、红枣同红豆三种红色食物。红糖活血健脾，红枣补血气、健脾胃，两者有补血、活血同散寒嘅作用；而加入性温味甘嘅红糖，可以调和两种食物，而佢本身亦有补中益气嘅功效，可以帮助新手妈妈大补元气。


注意：由于三红汤有活血、养血嘅作用，女士们唔适宜喺月经期间饮用，以免造成经血过多，可以等经期过咗之后再服用。


 2.     红枣木耳汤

木耳含有丰富嘅铁质同维他命K，铁质制造血红素，将氧气供应至全身，维他命K促进血液循环，有补血、活血嘅功效。而红枣补血气、健脾胃，可以补气益津。


注意：千祈唔可以同海鲜类食物一齐食，会令肚部不适，出现疼痛、肚泻之类嘅征状。


 3.     蕃茄牛肉汤

虽然蕃茄同牛肉两种食物听落平平无奇，但其实有唔错嘅药效。西红柿含有丰富嘅维他命C，具备生津止渴，健胃平肝嘅功用，而牛肉滋养脾胃，两者都可以补中益气。牛肉亦含有丰富铁质，活血通络，绝对系最贴地嘅补血气汤水！


注意：喺拣蕃茄嘅时候，要拣啲颜色愈深、已经熟晒嘅。熟蕃茄含有更多茄红素，更有助增强免疫力同抗氧化。煲嘅时候要同牛肉一齐煲，咁样先会出到啲茄红素。


 4.     花生排骨汤

猪肉含有人体必需嘅蛋白质同钙质，有补血、补乳、益精补血嘅功效，花生含有丰富嘅维他命K同钙、镁之类嘅营养素，有滋养调气，醒脾胃嘅作用，理气和中。若果加入陈皮煲煮功效会更加突出。


注意：花生千祈唔好剥皮，要连皮煲，花生皮有补血作用。


 5.     八珍乌鸡汤

「八珍汤」即系传统嘅「四君子汤」加「四物汤」，前者用咗人蔘、白朮、茯苓同甘草，有滋胃健脾、补阳益气嘅效用，而后者有熟地黄、白芍、当归同川芎四种药材，可以养血敛阴、活血行气。而且乌鸡含有丰富嘅黑色素、烟酸同维他命E，有滋阴健脾、补肝益肾嘅作用。


注意：若果唔想食得太油腻，可以将乌鸡剥皮。但嫌麻烦嘅话可以留返，咁样煲出嚟就会香啲。


 6.     当归黄芪鲫鱼汤

当归有活血通络、养血调经嘅功效，而黄芪补气固表、止汗利尿，可以活血滋补、大补血气。再加入有活血通络，补脾胃功用嘅鲫鱼，可以温中下气，健脾利湿。呢三种食物非常适合痛经、体虚嘅女士们。


注意：喺煲汤前先将啲姜丝塞入鱼肚，可以辟除鱼腥味。


 7.     菠菜鸡蛋汤

菠菜性味甘凉，有补血、活血、通肠胃嘅功效；蛋黄偏温性，可以补中气、调理血气；而蛋白偏寒性，清热解毒，三种食物加埋自可以补血气、护肠胃。而且菠菜仲有排毒养颜嘅作用，啱晒女士们。


注意：菠菜要先洗后切，而且唔好煲太耐，如果唔系菠菜入面嘅维他命C会大量流失。


 8.     韩国蔘鸡汤

人蔘性平味甘，具补气救脱、益血复脉嘅效用，被《神农本草经》列为上品药材。配上性温味甘嘅鸡肉，可以温中补脾、益气养血，绝对系补身食物之中嘅极品。

注意：传统上韩国人会喺炎热嘅夏天饮用，令身体入面嘅不良物质可以随住汗水排出体外，将蔘鸡汤嘅补血气作用发挥到极致。


补气血药疗 ──廿八方

上文介绍嘅补气血汤水系属于补气血食疗，食疗属于预防、治疗性嘅膳食，性质较为温和，运用普通、日常嘅食物，未必个个都啱。如果想要有实时成效，又或者想要对症下药，咁就可以考虑一啲补气血药疗。而讲到补气血药疗，廿八方就系一个好选择。


廿八方系根据中医理念以分段循环调理方式研制嘅中药疗补配方，总共有二十八包药材，分为五个阶段服用，可以全面而有效咁针对妇女嘅唔同需要。廿八方嘅第四方用咗当归头、玉竹、川断、白芍、杜仲等药材，可以大补元气，川断、杜仲可以补腰，改善腰酸膝软之类嘅问题。第五方除咗用巴戟、北芪、川断、白芍、淮山、春砂仁等药材，有补中益气、强腰固肾嘅功用之外，仲加入鹿尾羓同高丽蔘两种名贵药材，鹿尾羓性温味甘咸，可以养血滋阴、益精补虚，亦会消除疲劳、治腰背痛，而高丽蔘正如上文所讲，有补气救脱嘅效用，两者滋补能力极高，可以加强补气血嘅效果。所以，廿八方药疗都系一个调理身子、补气血嘅不二之选。


食疗同药疗有好大分别，食疗使用嘅系普通食物，就算拣咗一啲唔适合自己嘅食疗汤水都唔会对身体造成伤害，所以可以放心食用。但同时，药疗牵涉中药材，针对身体嘅唔同机能，唔可以乱食，亦都要拣翻有质素保证嘅药疗产品，例如廿八方，确保药疗可以有效嘅改善身体机能，滋补血气。