唔知大家有冇睇最近喺戲院上映嘅《幻險森林奇航》（Jungle Cruise）呢？主角狄維·莊遜同埋艾美莉·賓特喺亞馬遜雨林爭奪能醫百病嘅仙草「月亮之淚」嘅冒險旅程真係刺激到完全冇悶場！雖然戲中嘅「月亮之淚」係虛構嘅，但佢同一種中國草藥嘅形象非常相似，經常喺中國嘅傳統文學作品入面被描繪成一種擁有神奇藥效嘅仙草，可以醫百病、增元氣、延年壽，甚至可以起死回生。相信大家見到呢啲咁誇張嘅描述都已經估到，無錯嘞，就係靈芝。大家或者會即刻諗起《白蛇傳》嘅經典「盜仙草」情節，白娘子為咗救翻被嚇死嘅丈夫許仙，不惜千里迢迢前往崑崙山，同鶴鹿兩仙大戰搶奪靈芝草，最後成功令丈夫復活。即使喺近代流行文學中，靈芝都「老是常出現」，例如倪匡先生所著嘅《六指琴魔》，都有環繞各路武林高手爭奪七色靈芝而展開大戰嘅情節。當然，喺現實中，靈芝就梗係唔可以起死回生，亦冇神打之力，但佢嘅藥用功效的確不容小覷，喺《本草綱目》、《漢武內傳》等權威中藥典籍都有記載靈芝嘅豐富藥效，《神農本草經》甚至將靈芝列為上品藥材。咁究竟現實中嘅靈芝有啲咩神奇功效？靈芝又應該點食先啱㗎呢？等小編話你知啦！
甚麼是靈芝？甚麼是靈芝孢子？
靈芝，是一種多孔菌科植物，性平味甘，主要生長在濕度高而昏暗的樹林。在中醫學的角度來說，靈芝有好豐富的藥用功效，單在《本草綱目》提到的功效就包括益心氣、充血充脈、安神、增智慧、好顏色、利關節、活血、堅筋骨、祛痰、健胃，對人體各個器官都非常有益。
而大家成日都會聽到嘅靈芝孢子，其實係靈芝嘅種子，喺靈芝生長嘅時候由靈芝底部彈射出嚟，但佢同靈芝嘅成份好唔同，功效亦比靈芝多而廣泛。靈芝主要含有豐富嘅靈芝酸、靈芝三萜、靈芝多醣同靈芝醣肽，靈芝孢子除咗呢啲成份，仲有油酸、亞油酸、甾醇等油脂類物質。呢啲物質就畀兩層堅韌嘅孢子外殼保護住。要提取呢啲有益物質，就要先打破壁殼，亦即係大家或者會聽過嘅「破壁」。破壁後嘅靈芝孢子功效比靈芝更加全面，亦因為咁喺近年畀愈嚟愈多人推崇。
靈芝怎麼吃？
靈芝有好多唔同食法，有人會攞靈芝煲水煲湯，有人會搵水煎嚟食，有人會浸茶或者浸酒食，呢啲靈芝煲水、靈芝茶功效差唔多，都可以發揮到靈芝嘅藥性，所以揀自己鍾意嘅食法就可以。
但係如果服用靈芝孢子，唔將孢子外壁打破係唔會發揮到功效嘅，而破壁係需要專業嘅設備同技術，如果破壁過程或者事後嘅加工同存放過程唔妥當，有益物質就好容易氧化，甚至會令脂肪酸增加，反而會對身體造成傷害。所以大家應該要小心揀選市面上一啲可靠、有質素保證嘅靈芝孢子油，確保產品真係含有靈芝成份，而且係成功破壁，唔係一啲只有幾％破壁率但聲稱全破壁嘅，令身體情況可以得到改善。
靈芝孢子功效
1. 抑制頑疾細胞
靈芝孢子其中一個主要功效，係可以治療頑疾，因為靈芝孢子含有大量高活恆靈芝醣肽（Ganodorma Glycoprotein）。靈芝醣肽有助抑制頑疾細胞分裂，令頑疾細胞冇辦法黏附喺血管內壁，再借助血液流動嘅剪切力同免疫力將佢哋除滅。靈芝醣肽亦可以配合化療藥物，防止頑疾細胞轉移到其他部位。
2. 穩定肝酵素
靈芝孢子含有嘅靈芝酸（Ganoderic acid）同靈芝三萜（Triterpenoid）對肝損傷有保護作用，可提升肝細胞嘅抗氧化能力，有效清除自由基，亦增強肝臟代謝藥物嘅解毒功能，減低毒素對肝臟嘅損害。
3. 改善心血管健康
靈芝孢子嘅活性成份（Active ingredient）可以降低膽固醇、空腹血糖和體內三酸甘油酯，而且抗氧化，有利於心血管健康。
4. 提升免疫力
靈芝孢子仲可以提升免疫力，皆因靈芝含有豐富嘅靈芝多醣（Polysaccharide），增強細胞嘅免疫調節能力同巨噬細胞嘅吞噬能力，令身體可以清除自由基，亦促進T淋巴細胞嘅活力同增殖能力，抵禦細菌。
5. 淨化血液
靈芝孢子能夠同體內嘅重金屬元素，以及血液入面嘅藥物毒素、脂質之類嘅污染物融合成一種有機鍺化合物（Organogermanium compound），令污染物更容易排出體外，淨化血液之餘，亦促進新陳代謝。
6. 修補關節勞損
正如《本草綱目》所述，靈芝具有「利關節、堅筋骨」嘅功效。靈芝孢子有抗發炎嘅作用，可以避免關節因過度操勞而造成磨損或者出現痛症，改善骨骼健康。
上述嘅只係靈芝孢子功效嘅一小部分，其實靈芝孢子仲有好多唔同作用，例如可以消除疲勞、防脫髮、益腸胃，甚至減肥！所以古人將靈芝孢子當成仙草，並唔係空穴來風。
靈芝禁忌
1. 靈芝唔可以同某啲食物一齊食
由於靈芝藥味好重，所以坊間有好多唔同款式嘅食譜，等大家可以配搭一齊食，味道唔會咁寡，但唔係咩食材都可以送靈芝食，例如辣椒、檸檬同蘿蔔，唔單止會令到靈芝喪失功效，甚至會有反效果！首先，靈芝對神經系統有抑制作用，但辣椒會刺激三叉神經，同時服用會降低靈芝嘅藥效。另外，有人會將靈芝同檸檬加埋沖水飲，但其實檸檬呢啲酸性食物會分解靈芝含有嘅營養成份，所以同樣唔適合一齊進食。至於蘿蔔，由於蘿蔔含有芥子油，會加速腸胃消化，而靈芝係需要人體慢慢吸收先會有效果，同時食用嘅話就冇辦法將靈芝完全吸收。而且靈芝有養肺功效，但蘿蔔促進散氣，兩者相沖，一齊進食嘅話會大大減低靈芝嘅藥效。所以進食靈芝嘅時候要小心選擇食物配搭，尤其係上述嗰三款食物。
2. 服用靈芝要定時定量
有好多人以為靈芝係一種普通食材，只會喺覺得有需要嘅時候先服用。但其實靈芝係一種需要長期服用先見效嘅藥材，即使問題經已改善，都要繼續服用令身體慢慢恢復。而且如果突然唔食，會令身體出現瞑眩反應。所以靈芝一定要定時定量服用。
3. 靈芝不宜服用過量
靈芝雖然可以補身，但都唔能夠過量服食，如果唔係就會有反效果，例如出現腸胃不適、口乾咽痛、難以入眠等情況，所以最好每個禮拜食一至兩次靈芝就夠。
什麼人不能吃靈芝？
1. 哺乳期婦女
喺中醫學角度嚟講，乳汁係由血所化生，哺乳期間乳汁不斷損耗，會令身體處於血虛嘅狀態，從而導致體質陰常不足。所以喺哺乳期嘅女士們就最好唔好食靈芝。
2. 身體有傷者
靈芝含有腺苷，會減緩血液凝固，令傷口難以復原。所以如果身上有傷口未癒合嘅話，最好就唔好食靈芝住，以免影響傷口癒合嘅進度，等傷口埋口之後再食。
3. 小朋友
由於小朋友未完全發育，消化系統非常脆弱，冇辦法一下子吸收太多營養。進食靈芝會增加佢哋消化器官嘅負擔，甚至令腸胃不適，反而增加患病嘅風險。
