唔知女士們有冇試過成日失眠、頭暈暈、面色差、好容易攰同病、月經量變少或者嚟得唔準？呢啲好可能係「血氣不足」嘅症狀嚟！喺中醫學角度嚟講，「氣、血、津液」係構成同維持人體運作嘅主要物質，其中氣對人體有推動、調控嘅作用，而血可以濡養、化神。若果氣血不足，會令臟腑同經絡功能衰退，身體同精神狀態亦會出現各種不良反應。唔好好補翻身子，身體同精神狀態都會愈來愈差。


補氣血湯水推薦

煲補氣血湯水係最簡單而有效嘅補氣血食療方法，以補身為重點，透過補充吸收唔同食物嘅營養嚟滋補身子，可以從根源解決問題，預防身體出現血氣不足嘅情況。以下就等小編推介八款補氣血湯水畀大家，等大家可以舒舒服服留喺屋企補補身啦：


 1.     三紅湯

三紅湯係一種非常之出名嘅傳統補身湯水，相信大家可能都會聽過吓。「三紅」嘅意思係即係紅糖、紅棗同紅豆三種紅色食物。紅糖活血健脾，紅棗補血氣、健脾胃，兩者有補血、活血同散寒嘅作用；而加入性溫味甘嘅紅糖，可以調和兩種食物，而佢本身亦有補中益氣嘅功效，可以幫助新手媽媽大補元氣。


注意：由於三紅湯有活血、養血嘅作用，女士們唔適宜喺月經期間飲用，以免造成經血過多，可以等經期過咗之後再服用。


 2.     紅棗木耳湯

木耳含有豐富嘅鐵質同維他命K，鐵質製造血紅素，將氧氣供應至全身，維他命K促進血液循環，有補血、活血嘅功效。而紅棗補血氣、健脾胃，可以補氣益津。


注意：千祈唔可以同海鮮類食物一齊食，會令肚部不適，出現疼痛、肚瀉之類嘅徵狀。


 3.     蕃茄牛肉湯

雖然蕃茄同牛肉兩種食物聽落平平無奇，但其實有唔錯嘅藥效。番茄含有豐富嘅維他命C，具備生津止渴，健胃平肝嘅功用，而牛肉滋養脾胃，兩者都可以補中益氣。牛肉亦含有豐富鐵質，活血通絡，絕對係最貼地嘅補血氣湯水！


注意：喺揀蕃茄嘅時候，要揀啲顏色愈深、已經熟晒嘅。熟蕃茄含有更多茄紅素，更有助增強免疫力同抗氧化。煲嘅時候要同牛肉一齊煲，咁樣先會出到啲茄紅素。


 4.     花生排骨湯

豬肉含有人體必需嘅蛋白質同鈣質，有補血、補乳、益精補血嘅功效，花生含有豐富嘅維他命K同鈣、鎂之類嘅營養素，有滋養調氣，醒脾胃嘅作用，理氣和中。若果加入陳皮煲煮功效會更加突出。


注意：花生千祈唔好剝皮，要連皮煲，花生皮有補血作用。


 5.     八珍烏雞湯

「八珍湯」即係傳統嘅「四君子湯」加「四物湯」，前者用咗人蔘、白朮、茯苓同甘草，有滋胃健脾、補陽益氣嘅效用，而後者有熟地黃、白芍、當歸同川芎四種藥材，可以養血斂陰、活血行氣。而且烏雞含有豐富嘅黑色素、煙酸同維他命E，有滋陰健脾、補肝益腎嘅作用。


注意：若果唔想食得太油膩，可以將烏雞剝皮。但嫌麻煩嘅話可以留返，咁樣煲出嚟就會香啲。


 6.     當歸黃芪鯽魚湯

當歸有活血通絡、養血調經嘅功效，而黃芪補氣固表、止汗利尿，可以活血滋補、大補血氣。再加入有活血通絡，補脾胃功用嘅鯽魚，可以溫中下氣，健脾利濕。呢三種食物非常適合痛經、體虛嘅女士們。


注意：喺煲湯前先將啲薑絲塞入魚肚，可以辟除魚腥味。


 7.     菠菜雞蛋湯

菠菜性味甘涼，有補血、活血、通腸胃嘅功效；蛋黃偏溫性，可以補中氣、調理血氣；而蛋白偏寒性，清熱解毒，三種食物加埋自可以補血氣、護腸胃。而且菠菜仲有排毒養顏嘅作用，啱晒女士們。


注意：菠菜要先洗後切，而且唔好煲太耐，如果唔係菠菜入面嘅維他命C會大量流失。


 8.     韓國蔘雞湯

人蔘性平味甘，具補氣救脫、益血復脈嘅效用，被《神農本草經》列為上品藥材。配上性溫味甘嘅雞肉，可以溫中補脾、益氣養血，絕對係補身食物之中嘅極品。

注意：傳統上韓國人會喺炎熱嘅夏天飲用，令身體入面嘅不良物質可以隨住汗水排出體外，將蔘雞湯嘅補血氣作用發揮到極致。


補氣血藥療 ──廿八方

上文介紹嘅補氣血湯水係屬於補氣血食療，食療屬於預防、治療性嘅膳食，性質較為溫和，運用普通、日常嘅食物，未必個個都啱。如果想要有即時成效，又或者想要對症下藥，咁就可以考慮一啲補氣血藥療。而講到補氣血藥療，廿八方就係一個好選擇。


廿八方係根據中醫理念以分段循環調理方式研製嘅中藥療補配方，總共有二十八包藥材，分為五個階段服用，可以全面而有效咁針對婦女嘅唔同需要。廿八方嘅第四方用咗當歸頭、玉竹、川斷、白芍、杜仲等藥材，可以大補元氣，川斷、杜仲可以補腰，改善腰酸膝軟之類嘅問題。第五方除咗用巴戟、北芪、川斷、白芍、淮山、春砂仁等藥材，有補中益氣、強腰固腎嘅功用之外，仲加入鹿尾羓同高麗蔘兩種名貴藥材，鹿尾羓性溫味甘咸，可以養血滋陰、益精補虛，亦會消除疲勞、治腰背痛，而高麗蔘正如上文所講，有補氣救脫嘅效用，兩者滋補能力極高，可以加強補氣血嘅效果。所以，廿八方藥療都係一個調理身子、補氣血嘅不二之選。


食療同藥療有好大分別，食療使用嘅係普通食物，就算揀咗一啲唔適合自己嘅食療湯水都唔會對身體造成傷害，所以可以放心食用。但同時，藥療牽涉中藥材，針對身體嘅唔同機能，唔可以亂食，亦都要揀翻有質素保證嘅藥療產品，例如廿八方，確保藥療可以有效嘅改善身體機能，滋補血氣。